រួមជាមួយនឹងញាតិសណ្តានត្រកូលសុង, សុង ម៉ី-លីញ (Soong May-Ling) ជាតួអង្គល្បីឈ្មោះក្នុងប្រវត្តិសាស្ត្រទំនើបចិន ។ ឆ្នាំ ២០០១, ពេលរៀបចំពិធីអបអរខួបកំណើតទី ១០៤ របស់ខ្លួន, អ្នកស្រីនិយាយលេងជាមួយពួកអ្នកមកជូនពរថា “ហេតុអ្វីអាទិទេពឱ្យខ្ញុំរស់យូរយ៉ាងនេះ?” ។
សុង ម៉ី-លិញ កើតនៅថ្ងៃទី៥ ខែមីនា ឆ្នាំ១៨៩៧ នៅសៀងហៃ, ប្រទេសចិន ទទួលមរណភាពថ្ងៃទី២៣ ខែតុលា ឆ្នាំ២០០៣នៅញូវយ៉ក, អាមេរិក ក្នុង ជន្មាយុ១០៦ឆ្នាំ បានន័យថាអ្នកស្រីបានរស់ឆ្លងកាត់៣សតវត្សរ៍ ពោលគឺកើតនៅចុងសតវត្សរ៍ទី១៩ និងស្លាប់នៅដើមសតវត្សរ៍ទី២១។
អ្នកស្រី ជាជំទាវរបស់ ជាង កាយ ចៀក, អ្នកដឹកនាំគណបក្សជាតិចិន កាន់អំណាចនៅចិនពីឆ្នាំ ១៩២៥-១៩៤៩ និងក្រោយមកនៅ តៃវ៉ាន់ ។ សុង ម៉ី-លីញ នៅជាអ្នកឧបត្ថម្ភ គណកម្មការកាកបាទក្រហមអន្តរជាតិ ប្រធានកិត្តិយសរបស់មូលនិធិជំនួយឯកភាពប្រទេសអង់គ្លេស, សមាជិក កិត្តិយសរបស់សមាគមអនុស្សាវរីយ៍សេចក្តីថ្លែងការណ៍ស្តីពីសិទ្ធិមនុស្ស ។ នៅបណ្តាឆ្នាំចុងទសវត្សរ៍១៩៦០ សុង ម៉ី-លីញ ជាស្ត្រីមួយរូបក្នុងចំណោមស្ត្រី ១០នាក់ ដែលត្រូវបានកោតសរសើរបំផុតនៅប្រទេសអាមេរិក និងជាស្ត្រីទី២ បានអានសុន្ទរកថាចំពោះមុខសភាអាមេរិក ។
តាមការបង្ហើប ឱ្យដឹងរបស់វេជ្ជបណ្ឌិតផ្ទាល់ខ្លួនរបស់ សុង ម៉ី-លីញ ពេលនៅតៃវ៉ាន់នោះ បាតុភូតជរាភាព នៅអ្នកស្រីលេចច្បាស់ពីអាយុ៧៤ឆ្នាំ, ត្រូវជិះរទេះរុញ កាយវិការយឺតយ៉ាវ ការចងចាំបានថយចុះមួយផ្នែក, ភាគច្រើននៃពេលវេលា គឺសម្រាកនៅលើគ្រែ ទម្ងន់ខ្លួនក៏កើនឡើង ។ ប៉ុន្តែ ធ្មេញ របស់អ្នកស្រីរឹងមាំណាស់ គ្រាន់តែបាក់ប៉ុន្មានដើម សក់មិនស្កូវ និងវែងដល់ខ្នង។ វេជ្ជបណ្ឌិតនេះបានវិភាគអាថ៌កំបាំងអាយុវែងរបស់ សុង ម៉ី-លីញ រួមមាន៖
ទី១៖ សភាពចិត្តគំនិតនឹងនរ កិច្ចការគ្រប់យ៉ាងសុទ្ធតែគិតថាស្រួលបួល, មិនរក្សាភាពខ្វាយខ្វល់ក្នុងចិត្ត,
ទី២៖ ជីវភាពចុងក្រោយនៃជីវិតហាក់ដូចជាពុំមានសម្ពាធអ្វី,
ទី៣៖ អ្នកស្រី ចូលចិត្តម៉ាស្សា, ទះក្បាលជង្គង់ ឈ្លីស្មា ត្រដុសថ្លើមបាតដៃបាតជើងដើម្បីជួយឱ្យឈាមធ្វើចលនាបានល្អ,
ទី៤៖ យកចិត្តទុកដាក់បំផុតដល់គុណភាពអាហារ, ទទួលទានតិច និងចែកជាច្រើនពេល ។
ក្រៅពីនេះ តាមអ្នកជំនាញការសុខភាព គន្លឹះទាំងឡាយខាងក្រោមនេះ បានជួយ សុង ម៉ី-លីញ ថែរក្សាសុខភាពនិងរូបសម្ផស្សបានល្អប្រសើរ ។
ធ្វើការមិនសម្រាក
ម៉ី-លីញ មានឆន្ទៈឈានទៅមុខ យ៉ាងខ្លាំងក្លា ដើម្បីអនុវត្តន៍គោលដៅរបស់ខ្លួន អ្នកស្រីត្រូវតែអនុវត្តកិច្ចការ ដោយប្រញឹក តែមានសណ្តាប់ធ្នាប់ ។ ក្រៅពីភារកិច្ចជួយ ជាង កាយ ចៀក ដោះស្រាយឯកសារ, បកប្រែអក្សរសាស្ត្រអង់គ្លេស, អ្នកស្រីនៅរក្សាមុខតំណែងផ្សេងៗទៀតយ៉ាងច្រើន និង សង្វាតធ្វើការទាំងថ្ងៃទាំងយប់ ។ សុង ម៉ី-លីញ ចាត់ទុកថា ធ្វើការនាំឱ្យយើងកាន់តែក្មេង ។ ក្នុងសៀវភៅកំណត់ហេតុ អ្នកស្រីសរសេរថា “ធ្វើការជាងពាក់ កណ្តាលរបស់ជីវិត, កាន់តែរវល់ការងារ កាន់តែមានស្មារតី អ្នកចង់ក្មេង សុខភាពល្អនោះ ត្រូវសកម្មធ្វើការ ។ ផ្ទុយមកវិញ ភាពខ្ជិលច្រអូសជាសត្រូវរបស់ជីវិត ឱ្យតែខ្ជិលគឺជំងឺរាប់រយមុខ នឹងកើតឡើងភ្លាម។ ចង់ឱ្យដើមឈើជីវិតបៃតងស្រស់ជានិច្ច មានតែវិធីធ្វើការមិនសម្រាកដើម្បីបង្ការកុំឱ្យកម្លាំងប្រាជ្ញា ទ្រុឌទ្រោម រក្សាកាយចិត្តឱ្យខ្លាំងក្លា” ។
សំណេះសំណាលដើម្បីរំសាយអារម្មណ៍
សុង ម៉ី-លីញ មានសមត្ថភាពស្វ័យរារាំងទុក្ខព្រួយក្នុងរឿងស្នេហាយ៉ាងខ្ពស់ ។ អ្នកស្រីមានទម្លាប់ល្អ គឺរាល់ពេលជួបរឿងមិនសប្បាយចិត្តគឺប្រញាប់ស្វែងរកមនុស្សជិតស្និទ្ធ ពិគ្រោះ ដើម្បីរំសាយភាពទុក្ខកង្វល់ ។ សុង ម៉ី-លីញ ជាមួយនឹងជាង ឈិញ កួក ដែលជាកូនច្បង របស់ ជាង កាយ ចៀកជាមួយភរិយាមុន, តាំងពីដើមមក គឺ ។ ក្រោយពេលជាង កាយ ចៀក ស្លាប់, ជាង ឈិញ កួក បារម្ភខ្លាចអ្នកស្រីឆ្លៀតឱកាសពង្រីកអានុភាព ហេតុនេះក្នុងរយៈពេលតែប៉ុន្មានថ្ងៃប៉ុណ្ណោះ បានកម្ចាត់ចេញពីជួរទ័ព និងបញ្ជូនចេញអស់នូវអ្នកស្ថិតក្នុង ផុតពីតៃប៉ិ ។ ពីដំបូង សុង ម៉ី-លីញ ខឹងយ៉ាងខ្លាំង, ចង់រក ជាង ឈិញ គួក ដើម្បីស្តីបន្ទោសឱ្យអស់កំហឹង, តែរួចហើយអ្នកស្រីសង្កត់ចិត្តបាន ។ ក្រោយពេលសំណេះសំណាលជាមួយចៅស្រី អ្នកស្រីបំភ្លេចបានក្តីមួម៉ៅបណ្តើរៗ និងមានអារម្មណ៍ធម្មតាឡើងវិញ ។
ធូរស្រាលរឿងជីវិត
រាល់ពេលមានអ្នកស្គាល់គ្នាមកសួរសុខទុក្ខសរសើរអ្នកស្រីពេលនៅ ក្មេងស្អាតយ៉ាងដូចម្តេច,ពូកែបែបណានោះ,សុង ម៉ី-លិញ គ្រាន់តែសើច និង ដកស្រង់ឃ្លា១ក្នុងគម្ពីរគ្រឹស្តតបវិញថា ។ អ្នកស្រីចូលចិត្តទៅស្រូបខ្យល់អាកាសរៀងរាល់សប្តាហ៍,មើលផ្កាកុលាប ,លេងព្យ៉ាណូ, អានសៀវភៅ, កាសែត ,ហាត់ប្រាណ និងគូរគំនូរ ។
រារាំងទម្ងន់
ពេលរៀបការជាមួយជាង កាយ ចៀក,សុង ម៉ី-លីញ មានកម្ពស់ ១,៦៦ ម៉ែត្រ ទម្ងន់៥០គីឡូក្រាម ។ ស្ត្រី ធម្មតាពេលដល់វ័យជាង៤០នោះ ស្បែកប្រែជាស្ងួត ស្រអាប់ រង្វង់ចង្កេះរីក ពោះធំឡើង ។ តែសុង ម៉ី-លីញ រហូតដល់អាយុ៦០ឆ្នាំនៅតែរក្សាបានរូបរាង ស្រឡូន មិនប្រែប្រួល ស្បែកសទន់ សក់ខ្មៅ ពិសេសគឺដៃទាំង២ណែនតឹងគ្មានសរសៃ ។ អ្នកស្រីចូលចិត្តទទួលទានផ្លែឈើ បន្លែឆៅ និងចៀសឆ្ងាយពីអាហារមានខ្លាញ់ ប្រេង កាលពីនៅក្មេងចូល ចិត្តទទួលទានរបស់ផ្អែម ប៉ុន្តែក្រោយមកក៏បោះបង់ទៅវិញ ។ ថ្ងៃណាក៏អ្នកស្រី ឡើងលើជញ្ជីងដែរ ប្រសិនឃើញឡីងគីឡូ គឺងាកទៅទទួលទានបន្លែ សាលាដ មិនបរិភោគរបស់ផ្សេងៗរហូតដល់ពេលទម្ងន់ខ្លួនត្រឡប់មកធម្មតាវិញ ។ រយៈពេលច្រើនឆ្នាំព្យាយាមអនុវត្តវិធីសាស្ត្រទប់មិនឱ្យធាត់ សុង ម៉ី-លីញ រក្សាបានរូបរាងតុល្យភាពជានិច្ច ។ សម្លៀកបំពាក់ទាំងឡាយ និងសំពត់របស់អ្នកស្រីកាលពីនៅក្មេងរហូតដល់ចាស់នៅតែស្លៀកល្មម ហេតុនេះអ្នកនៅ ជុំវិញហៅអ្នកស្រីថា ។
លាងពោះវៀន និងម៉ាស្សា
រៀងរាល់ថ្ងៃមុនចូលដំណេក សុង ម៉ី-លីញ សុទ្ធតែអនុវត្តន៍កិច្ចការលាងពោះវៀន ។ ការពិតអ្នកស្រីមិនកើតរោគទល់នោមឡើយ តែឥទ្ធិពលរបស់ ការលាងពោះវៀន គឺបណ្តេញចាលជាតិពុល ។ លាងពោះវៀនកិច្ចការមួយ ដែលអ្នកដទៃចាត់ទុកថាលំបាក និងឈឺចាប់នោះអ្នកស្រីបែរជាធម្មតាបំផុត ។ អ្នកស្រីនិយាយប្រាប់អ្នកនៅជុំវិញខ្លួនថារាល់ពេលដែលលាងពោះវៀនរួច ងូតទឹកស្អាតបាត អ្នកស្រីមានអារម្មណ៍ ដូចទើបសម្រេចដំណាក់កាលបណ្តូរ សារជាតិដ៏ធំមួយស្តារថាមពលឡើងវិញ បន្ទាប់ពីនោះគេងលក់យ៉ាងស្រួល រហូតដល់ភ្លឺ ។
មូលហេតុមួយដែលធ្វើឱ្យសុង ម៉ី-លីញ រក្សាបានសម្បុរស្បែកស្អាតទន់ គឺអំណត់ព្យាឈាមក្នុងការម៉ាស្សារាល់ថ្ងៃ ។ មានគិលានុបដ្ឋាយិកា២នាក់ផ្លាស់ វេនគ្នាម៉ាស្សាឱ្យអ្នកស្រីមុនពេលទទួលទានដំណេកថ្ងៃត្រង់ និងយប់ ។ ពួកគេម៉ាស្សាចាប់ពីភ្នែក មុខ ដើមទ្រូង ពោះ ជើង បាតជើង…រហូតដល់ពេល អ្នកស្រីសម្រាន្តលក់៕ – See more at: http://library.cen.com.kh/library/read_online_html?token=ZjliN2IxMjNkZWUyYjAwMTkwYWExMGNhOTk1ZjY0#sthash.f6l5JkN2.dpuf
Time To Change 